「係謠傳嚟，我太太唔會做咁嘅事（搞婚外情）……只係交朋友，傾得埋啫」。妻兒被斬殺，55歲港漢梁先生昨仍堅拒接受妻子不忠的事實，還處處維護愛妻：「我信得過佢，我同佢一條心，佢幫我湊到個仔咁大、咁精乖。」他一再堅持慘案責任在於大廈保安，「點可以亂放人入嚟！」
梁妻常與情夫幽會，不少街坊早已知悉，姊妹亦一清二楚，只有枕邊人梁先生被蒙在鼓裏。在港任保安員的梁收入有限，大部份交妻子作家用，自己省吃慳用，一切以妻兒為先。妻子不慣香港生活，梁就在深圳買房子給她；妻子不愛與他同住，梁就搬回香港。諷刺的是，梁作為一家之主，昨日連深圳住所的門匙也拿不出。
「一個星期返一兩次，返到嚟就一家去飲茶，買餸返屋企煮，有時會帶個仔去麥當勞、行百貨公司」。一臉老實的梁昨日一直表現無奈，尚算冷靜，直至在現場拜祭時始見飲泣，與女方家人呼天搶地形成強烈對比。《蘋果》記者