24歲嘅新晉歌手譚晴噚日喺尖沙嘴拜劉家勇為師，正式成為黃飛鴻第六代傳人，譚晴向師傅及師公劉家良敬茶時，劉家良即刻提醒譚晴唔好笑，相當嚴格。劉家勇提醒徒弟要尊師重道，最緊要唔好忘本。之後劉家勇師傅主持咗上腰帶同開拳儀式，從未學過功夫嘅譚晴好緊張，紮馬嗰陣仲腳都震，佢話唔驚練功辛苦，仲已經編排學功夫同唱歌嘅時間表㖭。