禿鷹屈完記者係黑影，跟手見記協時就話警察重視同傳媒關係，同記者為敵冇好處。一哥講就咁講，之但係近排警記關係確實麻麻哋。八方近排收到風，有行家去採訪一單突發新聞，循例向現場嘅阿Sir索料，點知位警察先生反問記者：「乜家同你哋關係好番咩？」之後就唔理人。着住套警察制服，竟然咁小學雞，八方不妨remind吓呢位警察先生，《警察通例》第39章講明，事發現場的警務人員「須以互諒互讓的態度，盡量配合傳媒工作；以及不應妨礙傳媒的攝錄工作」。禿鷹黑影論一出，前日即有800人上街抗議，網民何沛澄就寫咗首歌《黑影危機之如何反黑影》，做埋MV放上網，相當抵死。