日本核危機搞到個個唔敢食日本菜、唔敢去日本玩、唔敢劈日本酒……好彩香港人善忘，尤其當見到加藤鷹同蒼井空忘我演出，賺外滙救國，你同我呢個bigspender都要向日本致敬，幫襯日貨叫做盡點心意。
郵購回港50元1個
提供郵購日貨服務嘅Oisix，喺香港薄具名氣，原因係佢有得訂做示愛蘋果，即係喺蘋果外表整句「ILoveYou」方便用嚟冧女。不過呢啲咁浮誇嘅嘢，唔啱我，係囡囡都知，我唔算醜，但我好溫柔，所以要買就買呢期當造嘅中村先生自家用蘋果。
中村先生係邊個？Sorry我同佢唔係好熟，只係知佢係農夫，喺長野縣種嘢。不過，佢話用最低限度嘅農藥，所以佢種嘅蘋果外表唔靚，但好甜，只啱留嚟自家用。其實唔止唔靚，仲有「黑頭」，不過中村先生話嗰啲係蘋果嘅傷痕，我幻想緊中村先生講呢句時個樣有幾Chok。
一箱2千克大概有8個，連空運費賣四嚿幾水，一個五十零蚊，我都要Chok住食。