真係估唔到，原來年底德國IFA電子展至係各大品牌嘅終極戰場！SONY推出首部Tablet，仲玩摺合式雙芒，已經夠震撼；但另一邊廂Samsung亦唔輸蝕，更採用久違了的機海戰術！
最爆係5.3吋芒GalaxyNote，拍埋GSII，大成個碼。可能你問：究竟呢部係手機定平板？實情佢採用Android2.3系統，10mm薄身，又打到3GVideoCall，似手機多啲；但跟身竟然係一支叫SPen的觸控筆，可寫字兼畫公仔，感覺又似番HTCFlyer。據講，Note會喺香港出4G版，到時上網將更加快。同場仲有平板GalaxyTab7.7以及第三代Wave，今次高中低三路出擊，上市時間及售價待定。