元朗公路奪命車禍中，故障私家車未及打死火燈，便被高速駛至的貨車撞到。專家指出，車輛死火前有先兆，司機應第一時間打死火燈提醒其他車輛，然後盡量將車駛至慢線及路肩停下，同時要留意倒後鏡，見有車撞來便要馬上鬆開手掣腳掣，以減低所受衝力。
踩油唔去 死火先兆
香港汽車工業學會會長李耀培稱，司機在快速公路行駛，安全意識非常重要，車輛死火前會有先兆，「好似踩油唔去，行得唔順，有聲響發出同慢咗落嚟」，司機遇到此等情況，應立刻打死火燈，並盡量將車駛到慢線及路肩。
李耀培說，司機要很警覺地做出反應，越早打死火燈，就越快提醒到尾隨的車輛，「唔係停低至打，行緊知架車死火就要打」。他表示，今次意外主要責任是貨車司機，但若私家車司機警覺性高，意外可能不致如此嚴重。
理工大學機械工程學系工程師盧覺強稱，以現場遺下60米胎痕推算，估計肇車貨車時速達100公里，產生3.7噸衝力，私家車被推前的時速也達80公里。盧覺強建議，司機除早打死火燈，並要留意倒後鏡，見有車撞來即鬆開手掣腳掣及緊握軚盤，「咁做可以卸咗啲衝力，同埋控制到架車」，另外，司機及乘客要在安全情況下離開車廂。
《蘋果》記者