曾志偉和劉心悠昨日到白田村的社區中心探訪，送月餅給長者及玩遊戲。對於無綫總經理陳志雲涉貪污案無罪獲釋，志偉說：「一直都希望所有同事冇事，陳生家冇事係好，始終蛇冇頭不行，咁大家安定晒。」
有指無綫將有內鬥，志偉認為只是外間揣測，他覺得不會發生。志偉又指志雲復工，相信在節目上會有新計劃。至於之前傳由志偉執掌電影部，他表示沒有可能。提到王喜在微博留下「誓要將奸討」和「仇如海百般洶湧」等歌詞，似有弦外之音，志偉笑言︰「呢個係佢意思，可能佢只識唱呢啲歌。」
做阿倫伴郎敬酒
早前有報道指譚詠麟與多年的紅顏知己Wendy結婚並請好友食飯，當晚志偉擔任伴郎，他說：「係咩？你哋話係就係，嗰晚我負責敬酒，大家都好開心。」
阿倫是否公開與Wendy的關係？志偉說：「都冇所謂啦！佢都半公開，佢個仔好叻，阿倫話佢係十優會考生，仲話唔關佢事，係Wendy教得好。就快啲人唔記得佢，只記得佢個仔。」問到阿倫元配莎莉有否出席，志偉只說：「提一就唔好提二，提二就唔好提一啦！」
採訪、攝影：王連連