現年25歲的蔡加讚（Karson）是玩具大王蔡志明孻仔，與兩名胞姊一樣，是標準的富二代，蔡家家族資產逾百億元，生意涉獵玩具業、地產業、鐘錶業等。對於今次違規事件，他坦承：「今次真係好大件事，要即刻搞返掂！」但問及偷步是否太心急，蔡尷尬道：「呢個問題真係唔識答！不過涉及法例問題，以後會好小心㗎喇。」他又稱，已全力配合政府要求，不擔心商場會被整幢「釘契」。
「仲後生當係個教訓」
記者告訴他違反地契的最嚴重後果是被收回業權，蔡隨即說：「呢個我就答到你喇，真係好大鑊！」蔡透露已向父親蔡志明滙報，嘆謂：「唉，我都即刻諗咗個解決方法同Daddy講，佢都冇鬧我，只係叫我盡快處理好件事，唔好影響日常運作。」
蔡補充，近來忙於為父親打理玩具廠及喜運佳的鐘錶業務，車行交由合夥人邱小姐負責，九龍城廣場亦由姐姐蔡加怡接手。蔡加讚嘆道：「我聽日又要飛歐洲傾鐘錶生意，所以冇乜時間理車場，不過臨走都會同佢哋講，要處理好呢件事。」並苦笑謂：「估唔到件事去到咁嚴重，今次係一個寶貴經驗，第日會好小心，家仲後生，當係個教訓。」
蔡加讚07年在美國南加州大學政治系畢業，回港隨即幫助父親打理生意，被父親寄予厚望。其「成名作」正是今次的事件主角九龍城廣場（KCP），蔡志明於08年買入商場，交由他打理，蔡加讚成功將商場人流在一年內提升兩倍。蔡加讚近年多次接受訪問，分享其作為富二代的心聲，去年一次訪問中，他的一番「成功需苦幹」大道理，成為網民改圖嘲諷攻擊目標。他和現任女友、甄子丹姨仔汪圓圓拍拖的事，亦成為城中名流圈的熱話。
《蘋果》記者