本來食肆搞噱頭嘢，放喺右上角嘅「本周焦點」就得。今次呢單嘢落入我地盤，當然唔小嘢。我係邊個唔重要，呢間餐廳係邊個嘅先至係重點。特首妹曾璟璇（小圖）有份嘅FofobyElWilly，搞咗個伊比利亞盛宴（Iberianfeast），只係做聽日（9月6日）一晚。有名人、有噱頭，點都值得加兩錢肉緊寫吓佢。
先講個宴有幾「盛」？頭盤必選西班牙傳統開胃菜，唔少得西班牙馳名黑毛豬火腿，有Iberico黑毛豬頸肉配波士頓龍蝦、柑橘薯蓉配Iberico黑毛豬面朱墩等，6道菜晚餐每位580元。
ElWilly喺上海打出名堂，由特首妹帶佢南下，據聞前一哥曾蔭培經常幫襯，嘴刁嘅盧覓雪又喺專欄推介，食名氣、食環境、食品味……食乜都得啦！