【本報訊】趁樓市氣氛回勇，名人業主加入散貨行列。市場消息指，男藝人古天樂繼05年沽出人生第一層樓何文田京士柏山洋房後，屋苑內另一間同樣由他持有的單號洋房，剛以8600萬元賣出，呎價2萬元，屬市價，洋房7年間升值近30%，為古天樂賬面賺1962萬元，連同05年沽出洋房，9年內兩洋房皆獲利離場，淨賺3862萬元。
京士柏山洋房售8600萬
古天樂昨日接受訪問說：「價錢合理咪賣囉！其實我又唔係炒樓，我買嘅樓都係自住，好似我入住貝沙灣後，先會將舊居京士柏山間屋放售。家貝沙灣間屋一樣有人出高價2.1億問我放唔放售，如果肯賣都差唔多可以賺8、9千萬，但搬屋好煩，腳又傷咗，家唔想搵屋搬，所以唔會賣住啦！」
何文田豪宅京士柏山打破3個月來未聞洋房成交悶局。據知，該洋房04年10月透過康柏國際有限公司以6638萬元買入，公司董事包括古天樂、李綺雯。市場指，洋房買入後一直空置，鮮見有人居住。而古天樂於05年10月以4700萬元沽出曾自住的京士柏山雙號洋房後，已搬入薄扶林貝沙灣5期大屋。古天樂沽出的洋房，毗鄰洋房正是中原集團前主席施永青持有大屋，同樣4268方呎，連800餘方呎花園，現叫價1.2億元放賣。
另外，愉景灣海風徑雙號洋房，1642方呎，土地註冊處顯示，俄羅斯籍買家MelnikovPavel斥資1850萬元買入，呎價1.13萬元。