一連兩場的朱咪咪紅館個唱前晚尾場，朱咪咪的家人總動員支持，包括其丈夫、大仔及坐輪椅的母親。完騷後朱咪咪出席慶功宴，表演嘉賓除蔡楓華缺席，其他都畀面撐場。
自誇撈得掂
朱咪咪自誇今次個唱撈得很掂，並提議張耀榮安哥，張生即答應下次為她開十場。朱咪咪受訪時笑言想做視后多過開騷，更踢爆黎耀祥登台做騷賺了過百萬，祥仔否認說：「咁你介紹我，搵咁多又點會返TVB拍劇？」對於陳志雲重返無綫上班，祥仔說不會刻意致電恭喜陳生：「我平時好深閨，好少出去食飯，大家係工作關係。」另外，對於在個唱中拿何超雲和陳山聰的戀情開玩笑，朱咪咪強調沒貶低兩人的意思。
採訪、攝影：馬建華