【第68屆威尼斯影展之男人之苦】劉德華和劉青雲前晚前後腳到機場出發往威尼斯影展，青雲更帶同老婆郭藹明同行，郭藹明透露老公緊張她的晚裝會否過份性感多過得獎，出門必要過目檢查。華仔昨日跟《桃姐》導演許鞍華和葉德嫻等，在威尼斯出席試映場和記者會。
劉德華和劉青雲前晚先後到達機場，出發往威尼斯影展，因為他們主演的《桃姐》和《奪命金》成為競賽電影，有份角逐獎項。前晚青雲先跟老婆郭藹明出現，他透露兩人先到羅馬玩兩天，之後才到威尼斯準備出席影展。
「過目先出門口」
青雲表示自己未有看過完成的《奪》片，但有出席影展人士反映由於不少華語電影被大會刪短，結果觀眾看完後不太明白劇情，青雲聞言搞笑說：「咁叫佢哋打字幕，打得詳盡啲。」是否有信心得獎？青雲坦言未有多想，只要拍戲演出時盡了本份已可以。郭藹明是否準備性感靚衫陪老公行紅地毯？她笑言：「性感要縫埋晒，因為老公唔畀，啲衫要畀佢過目OK先可以出門口㗎。」
之後華仔由助手陪同到達，心情是否緊張？華仔表示平常心，但亦有信心希望可以得獎而回。昨日華仔已到達威尼斯影展，在記者會前先有試映場，播映後現場人士先後拍了兩次掌，甚至有外國人也被劇情感動落淚。
嫻姐死後捐器官
之後華仔和葉德嫻及導演許鞍華一同出席記者會，拍完此片對生離死別有否更深體會？葉德嫻表示：「我決定死後會捐出所有有用器官，我可以接受安樂死。」華仔表示學識更加關心和珍惜身邊人：「我最感動係現實嗰位傭人，佢大部份遺物都係同佢嘅少爺有關，佢對對方嘅愛真係好難想像。」
採訪、攝影：張俊銘、文國駿
