萬幾蚊一杯威士忌仲要過大海飲，做人嘅嘢唔使下下去到咁盡，威士忌JohnnieWalker其實都唔差。不過人要進步，酒亦會提升層次，即使飲約翰走路，都要飲最頂級嘅BlueLabel。Hermes矜貴在於個個袋都有編號，搵得番邊個工匠造嘅。聲稱最優質嘅BlueLabel，支支都有個serialnumber，加埋證書同絲綢襯盒即刻高貴晒。
不過，無啦啦講藍牌當然有啲嘢，新近推出TiffanyBottle新樽設計，首批限量1867支，再搞啲活動賀一賀佢。今個星期六，喺上環荷李活道TheSpace（圖），一次過陳列威士忌歷史同新酒樽，現場仲有品酒指導，但記住事前預約。
唔係溝綠茶飲
嫌我介紹係人都識嘅約翰走路交行貨？咁惟有拋一拋書包代表我嘅誠意兼識啲嘢。BlueLabel屬調和威士忌，用15種極珍貴嘅蘇格蘭威士忌混和調製，醇厚平順。最重要係，咁貴嘅靚酒，千祈咪學同胞，記住加冰好過加綠茶！