近年不少港、台藝人返內地掘金，內地為保障內地藝人，有傳以「限娛令」壓制港、台明星亮相娛樂節目。黎明前晚在中環出席洋酒活動，對於「限娛令」，他表示不相信：「少少譁眾取寵，根本冇呢件事發生，其實冇需要有呢樣嘢。」據說「限娛令」是保障內地藝人，黎明說：「邊個有能力都可以做。」老婆樂基兒早前生日，問黎明如何慶祝？他表示不想多講：「冇乜必要講，唔好當我歪理，唔需要講我同樂基兒嘅嘢。」
不過，一講酒經，黎明就滔滔不絕：「飲酒同工作係必須，我都因為應酬Paco（黃柏高）開始飲酒，長輩都有教防止嘔嘅方法。」問黎明可是千杯不醉？他說：「千杯就死梗，50杯都唔得。」他指自己酒量OK，飲醉會靜靜坐着不出聲，他續說：「有法例之前，都試過醉駕，我飲咗酒揸車叻過平時。」黎明又強調飲酒要小心選擇，因為劣質酒會傷身。問黎明飲過最貴的酒的價格，他說：「6年前收到一支有40年歷史嘅威士忌，原來值2萬幾蚊，當時唔知，一晚就飲晒，好彩之後冇人送咁貴嘅酒畀我。」
陳沛嘉玄談婚變
同場的陳沛嘉再被問和老公彭文堅婚變一事，她繼續講得很玄：「唔一齊唔代表婚姻有問題，我哋喺屋企會見到面，但唔想講係咪離咗婚，佢永遠係我最好嘅朋友。」
採訪：梁錦雯 攝影：仇志德
