李克勤的兒子Ryan因與張栢芝兒子Lucas就讀同一間學校，開學後遭連累被記者日日追訪，老婆盧淑儀更要每日化妝現身。前晚克勤勞氣指小朋友有自己世界，大家不要問他，克勤更護妻說：「佢湊仔返學好似日日要開記者會咁。」
商台「903ALLSTAR運動會」前晚在灣仔伊館舉行，由近百歌手組成的「ALLSTAR熱火隊」大鬥DJ組成的「903小牛隊」，領隊李克勤帶領歌手周柏豪、余文樂、張繼聰、謝安琪、官恩娜及薛凱琪等出場，聲勢浩大。經過連番激戰，最終歌手隊以48：43勝出，周柏豪獲選最有價值球員。
「有小朋友世界」
領隊克勤前晚也有落場，但打籃球就好像踢足球。他的兒子日前開學，老婆盧淑儀要日日化妝湊仔上學，克勤勞氣說：「佢湊仔返學好似日日要開記者會咁，啱啱開學啲傳媒朋友好關心。」問到其子是否與栢芝兒子Lucas同校，克勤無奈點頭，但表示不同班。
問到克勤私下有否介紹兩個小朋友認識？他即拍一拍梳化說：「唉！你哋唔好問我啦，小朋友有小朋友世界，佢哋會自己溝通，大人唔好插嘴啦，小朋友受關注唔係我哋控制到。」
問克勤是否不想兒子被拍照？他表示不是這個問題，既來之則安之，其實不是很大件事，反而可讓兒子面對記者學識禮儀更好。那兒子有否問為何被記者拍照？他說：「佢只係問幾時見到容祖兒姐姐。」祖兒即說：「佢個仔好鍾意我。」謝安琪表示慶幸兒子今年平靜返學，沒被追訪，她說：「我個小朋友其實好大方，人哋影相佢都舉晒手。」
遭河蟹沒所謂
前晚張繼聰夫妻檔落場，張繼聰玩得勁high，與周柏豪在球場啜嘴，打波更打到碌地。克勤與祖兒也在球場玩到癲，克勤抱起祖兒碌地，一班女歌手更出茅招，幾人合力搶波，又狂扯DJ的衫。
此外，克勤和泳兒昨日在小西灣出席「區議會選舉2011揭幕禮」，克勤近日因國務院副總理李克強事件，連在微博打「李克」二字也遭河蟹，克勤表示沒所謂，第一日入行已學識不介意，他又大呻說：「好似俾狗仔隊跟，下一代被影都唔可以介意。」
採訪：張俊銘、王崇穎
攝影：陳志嵐、陳慧安