每天起床，見到一副熟悉的面面孔，自己都覺得悶，想換個新Look，自拍上fb加點新意，就咁就要拿起iPhone，試玩5個款Chok樣App，肥臉變瘦臉，換髮型都可以在數秒內完成，不過小心連自己都唔認得喎。
記者：許福合
攝影：譚盈傑
Model：Boo@Puremodels
Chok樣Tips
玩這類Chok樣App，雖然係玩票性質，但想影得靚，都可以有幾個技巧。首先，拍攝時避免背光，人像與背景光度差別太強，會令相片光暗不夠平均；正面拍攝，一般都會較易Chok，尤其要注意避免低頭造成陰影，若要用來加入圖框，可因應圖框角度而遷就角度，就比較易夾。
No.1 MasterpieceMe! 變麗莎
有無想過變身成名畫中的主角呢？這個《MasterpieceMe!》就內置咗112幅經典名畫，下載App之後，會發現免費可用16個圖框，包括蒙娜麗莎等作品，若想玩盡112個，亦只係要畀多0.99美元去買ArtPack，天天轉Look，轉足3個月都唔怕重複，都算抵玩。用法亦都好簡單，可以即場自拍或者滙入iPhone內相片，滙入之後，可以在油畫人像頭部用Multi-Touch調整相片大小及角度，最理想當然係調整到面孔與人像頭部差不多。有時因為膚色與畫中人不太夾，可以用「Color」調校頭像光度與顏色濃度，甚至轉成黑白去配搭。完成之後，除咗儲存起來收藏外，仲可直接分享到fb及twitter。
《MasterpieceMe!》免費下載
No.2 MakeaFaceFree 美女生鬚
《MakeaFaceFree》係一個自由度好高嘅變臉App，同樣地可以經拍攝或滙入圖庫中相片編輯，特別之處，係按下「角色盤」後，會出現一個帶五官及裝飾的圖像，可以自選眼耳口鼻、帽，美女想長鬍子亦可惡搞，而且每個圖案都可以轉色，放在任何位置，新Look任你配搭！最搞鬼仲係可以加泡泡說話，趣味性十足。App本身可免費下載，若想有更多圖案裝飾，可以購買擴展包，每個0.99美金。
《MakeaFaceFree》免費下載
No.3 FaceShifterFree 易容嚇鬼
若果想效果真實一些，就要試吓《FaceShifterFree》，用法相對其他App較簡單，可以拍攝或滙入相片，一開始要先指定眼、鼻、嘴的位置，按下OK之後，用手指向左或右拖拉，就可以換上新的眼、鼻及嘴，因為所用的新「圖像」都係真實的，所以會有較很像真效果。不過，部份眼及鼻的膚色會較深或淺，可以再用右上角光度略為調校。玩這個App，不要全部換晒，否則真係自己都唔認得，另外，拍攝時的陰影會令完成圖容易留下黑影，最好選擇光暗分佈平均的相片。
《FaceShifterFree》免費下載
No.4 UglyFaceMakerLite 拉橫按扁
玩法與《PhotoBooth》有點相似，使用時先要拍攝或滙入相片，雖然內置有人臉偵測功能，不過正如App啟動時的提示，選正面角度的相片會較好。滙入之後，就會有12種Chok樣選擇，正常Chok同惡搞Chok都有，例如將眼鼻拉橫按扁，之後仲有8種眼鏡框可以揀。特別之處，除咗可以儲存成相片分享外，仲會製作出一段數秒短片，主要Chok樣部份會有動作，好生鬼。
《UglyFaceMakerLite》免費下載
No.5 MirrorFaceFree Chok出倒影
《變身男女ChokChokChok》內有個環節《整你個樣》，專門惡搞嘉賓，其實係使用咗一個倒影效果，好似照鏡一樣，這個《MirrorFaceFree》就可製作出類似效果，可以打直玩，亦有打橫嘅倒影。這個App操作好簡單，按「＋」就可以橫直轉換，用iPhone4的話，仲可以用自拍鏡頭來玩，揀到最搞笑效果才收貨！
《MirrorFaceFree》免費下載