陳志雲涉貪案擾攘一年多，日前他被判無罪釋放，在圈中人緣甚廣的志雲，即獲好友及同事送上祝福。
鄭欣宜：我有sms恭喜陳志雲，我一向都覺得佢好有才華，對娛圈有貢獻，順利過咗呢個trial（審判）。至於傳TVB有咩內鬥，都唔關我事，我冇參與。
李克勤：我有同志雲聯絡，雖然我同志雲私下係好朋友，不過對於唱片公司同無綫嘅版稅問題，都係交番畀公司去處理。
馬國明：其實噚日知道咗結果都冇乜驚喜，因為我一早預咗佢冇事，公司畀佢復工就已經冇事喇！唔會刻意傳短訊畀佢，喺公司見到面再講都得。
馬賽：真係戥佢開心，我覺得佢係唔會貪圖利益嘅人，佢個人咁有學識有才華又有內涵。至於傳公司會掀起內鬥，我覺得一年四季都有呢啲新聞，只要做好本份就得。