布力般流浪嘅一班球星，早前幫球隊嘅印度老闆拍炸雞廣告，個個好似食到好滋味咁，但原來都係扮出嚟。有份拍廣告嘅沙加度（圖）話，第一啖咬落啲雞度，佢已經反晒胃，作嘔咁滯！佢原本話唔想接呢個廣告，但老闆叫到，冇得SayNo，惟有頂硬上，原來球星都係同我哋啲打工仔一樣咁慘情。不過，沙加度家公開倒老闆米，話佢啲炸雞難食，咁夠膽，係咪諗住下季唔撈呢！