台灣G奶天后蔡依林（Jolin）和男友錦榮戀情地面化，不過其男友原來花弗兼爛玩，繼早前夜蒲女，要事後帶Jolin嘆火鍋補鑊後，錦榮昨日又被踢爆早前在泰國偷嗒模余曉彤（Hidy），狂影頭貼頭親熱合照，Hidy更自爆差點和錦榮撻着。
台灣天后蔡依林和男友錦榮日前才公開甜蜜嘆平價火鍋，平息錦榮女一事。昨日他又被踢爆指他背住Jolin在泰國偷食，對象就是模Hidy。兩人被發現一齊在泰國蒲夜店，Hidy對錦榮嗒糖，又錫又攬又跳，錦榮也玩得high爆，兩人不停影頭貼頭合照，Hidy又緊貼錦榮背脊跳舞。
相識時未戀Jolin
其中有一輯相片，估計Hidy是在酒店房間的自拍照，僅穿黑色內褲及tee的Hidy，不停高舉V字手勢扮可愛。爆料者又指錦榮貌似專一，其實每次由台灣來港，都會相約Hidy密會兼夜蒲，相當爛玩。Hidy昨日接受電話訪問，承認照片中人是錦榮，也直認和錦榮在泰國玩樂。她表示因為在簽約周秀娜的公司前，曾在泰國做模特兒，當時認識了錦榮，後來她回港發展後甚少聯絡，直到書展前她向公司請假數天到泰國旅行，在當地遇到錦榮。
對於是否擔心被指搶Jolin男友？Hidy說：「唔係，我識佢時都未拍拖，而且我男友都知我去玩，亦都知我識錦榮。」不過她語帶雙關慶幸公司只批了她很短的假期，要不然難保會與錦榮撻着呢！
「我喜歡嘅類型」
擁32C咪咪的Hidy自認輸給Jolin，她說：「佢（錦榮）家都選擇咗一個GCup，應該睇唔上我這類H字頭嘅女仔。」不過，Hidy都忍不住直認錦榮啱嘴形，大讚說：「佢係我喜歡嘅類型，好高大、好陽光、好舒服，健碩有才華，彈琴吉他又識，泰拳、打籃球又厲害，真係樣樣都好好！」對於男友疑似劈腿，Jolin經理人回應說：「這跟我們沒關係，不回應。」錦榮方面則到截稿前沒有回應。
採訪：林妃