皇家馬德里嘅葡萄牙中堅卡維奴（圖），上周三因為不滿國家隊教練保羅賓度冇將佢列正選，憤然離開國家隊訓練基地，兼宣佈退出國家隊，引起軒然大波；葡萄牙足協考慮向歐洲足協紀律委員會投訴，如果歐洲足協真係處罰，卡維奴可能被禁參加歐洲足協主辦嘅比賽1至3個月，最緊要就係冇得幫皇馬踢歐聯。其實33歲嘅卡維奴都為葡萄牙立下唔少汗馬功勞，希望雙方可以大事化小啦！