韋舒亞不嬲都鍾意喺twitter發噏風，多多搞作，日前就將由球迷合成嘅一張搞鬼相公諸同好；張相係將阿仙奴新兵梅迪薩卡（左）同艾沙維（右）擺埋一齊，一個6呎6、一個5呎7，本來已經好懸殊，加埋悉心「惡搞」，結果好似大人國與小人國咁，韋舒亞就笑埋一份。球迷唔使擔心呢件事會影響韋舒亞同艾沙維之間嘅感情，因為後者本身都係玩得之人，況且韋舒亞咪又係５呎７！