上月底有30幾名中外記者喺利比亞首都的黎波里一間酒店俾政府軍包圍，好在最後喺北京同各界斡旋下成功脫險。三名來自鳳凰衛視嘅記者：來自內地嘅記者蔣曉峰、香港攝影師吳建明同埋技術人員鄧諒棠，噚日終於返到香港。蔣曉峰到埗後表示好多謝各界幫手，令佢哋可以平安返嚟。而有個5歲囝囝嘅吳建明就話，返到嚟最想做嘅事，就係立即冲個凉，一家人食餐飯，最好係剪吓頭髮咁。佢又話被困酒店時候，都有驚自己有可能行唔番出去，所以用攝錄機自拍咗好多段片留畀囝囝，好講低晒遺言留畀屋企人，好彩最後都用唔着。
除咗當時被困酒店情況好危險，就算離開一樣係波折重重，鄧諒棠同八方講，當日離開酒店之後，本嚟打算坐船走，但係等來等去都冇船，於是轉搭的士經邊境去突尼斯，再轉機返香港，但途中竟然遇到交通意外，好彩最後都係有驚無險返到香港！
