陳志雲纏擾多時的官司已了，與他風雨同路的老友王喜，前日不只在庭上感動落淚，晚上他與志雲唱K飯敍時，更high到破戒飲酒，一於不醉無歸。
昨凌晨王喜在微博張貼他用膠袋笠頭及捧着紅酒杯的照片，他寫道：「今晚我做了一件壞事：破戒喝酒了。」伍詠薇回應他：「開心就好！我也開心。」另外他又上載了兩張唱K的電視畫面，歌曲是鄭少秋主唱的《一劍鎮神州》及《倚天屠龍記》，他和志雲邊嘆紅酒邊唱秋官名曲，料應十分盡興。
願等樂易玲電話
昨日記者致電王喜，問他是否與志雲慶祝時，他在電話中說：「唔係，食餐飯啫，飯日日都要食㗎啦。」提到他醉到用袋笠頭，他笑說：「呢件事（志雲官司）完咗，我會做一件壞事同一件好事，噚日做咗壞事，就係破戒飲酒，我對上一次飲酒已經係1998年拍晒《烈火雄心》嘅時候，事隔13年先再飲。我聽日就會做番件好事，就係放生。」
對於無綫高層樂易玲揚言會再搵王喜拍劇，王喜笑說：「到呢一秒都係冇人搵過我或者張家振（經理人）傾工作嘅事，陳太（樂易玲）有我電話㗎，唔知佢幾時打嚟呢？」
採訪：夏琴