近日最熱門嘅戀情之一，都非「大隻妙」同「褲穿窿」呢一對莫屬，雖然唔少人喺大隻妙面前都似係衷心祝福佢，但係私底下其實都唔多睇好呢段戀情，點解？因為好多人都知道點解近年大隻妙戀情多多，表現咁高調，查實都係因為佢唔抵得個細妹「索爆」。
妒忌索爆
自從索爆越大越靚之後，成日都成為被追訪嘅目標，加上佢又靚又識講嘢，不知冧得啲男記者幾開心，搞到幾乎日日見報，個樣同身材明顯唔及細妹嘅大隻妙見到咁當然不是味兒，於是把心一橫落力扮靚狂媾仔，除咗要爭取見報，同樣要展示吓自己嘅魅力，唔想畀索爆搶晒風頭。
Textby關仁