陳鍵鋒寸無綫刻薄唔同無綫續約之後，繼續留喺內地拍劇賺人仔，點知短短一年，佢已經升呢視帝，獲北京電視節頒發「最受歡迎港、台男演員獎」，今年仲喺內地拍咗5個劇。不過大時大節，鍵鋒話就要忍受離鄉別井之苦，佢仲試過打畀媽咪時都忍唔住狂喊。鍵鋒又承認喺內地都遇過令佢心動嘅對象，可惜佢拍劇太忙，根本唔敢開始追求。