林海峰（Jan）下月舉行第五次talk騷，他今次把talk騷命名為《我好驚》，當然想知道阿Jan最驚甚麼？他竟說：「我最驚咪你問我最驚啲乜囉，到時入嚟睇咪知，同埋我最驚就係開騷前要做訪問。其實個騷都未做，就叫我分享個騷嘅內容。如果騷後叫我分享，我估我會有好多嘢同大家講。」
開騷當開P
不過阿Jan自爆最驚的手機黨觀眾，他發現好多手機黨入場睇騷只顧玩手機，甚至用手機來拍下他的演出，對此他最感無奈。
開了多次騷，可能會出現「乾塘」的情況，阿Jan坦言：「第一次永遠都係最容易，因為你未做過，入嚟睇嘅人覺得乜嘢都係新鮮、好睇，但係經過咁多次，觀眾對我嘅要求又唔同咗，我覺得佢哋仲入嚟睇，因為係對我嘅要求低咗啦。」阿Jan笑言今次是一個末日派對，希望大家抱着開party的心態入場，他笑說：「我都唔知會唔會再開，過咗2012年先算啦。」
採訪：李珮洳
攝影：黃偉雄