近排追緊三色台深夜重播嘅《天龍八部》，見到「雙吳」吳鎮宇同埋吳廷燁喺入面跑龍套，齊齊扮少林和尚，仲用棍懲罰犯咗戒條嘅男主角黃日華。人嘅際遇真係好難講，家半退休嘅黃日華好後生就紅，反而吳鎮宇同吳廷燁就捱咗好耐先成名，家陣亦繼續喺娛樂圈打滾，唔好似華仔咁享受人生。
踢波同做戲一樣，好多球員一出道就響朵，但亦有唔少球員去到將近30先打響名堂同埋入選國家隊。由路維領軍嘅德國，陣中絕大部份成員係好早就成名，因此，普多斯基雖然得嗰26歲，但就經已喺國國際賽上陣90場。今晚佢哋主場對奧地利，贏波就提早晉身明年歐國盃決賽周，點可能贏唔到呀？一於瞓身支持。
文：青蛙仔
星期五31
德國vs奧地利
心水：德國勝[-1]
心得：德國係奧地利大佬