「小花」嘅新聞搞咗一輪後佢終於肯收聲，因為佢終於睇清楚事實，知道公司唔係冇咗佢唔得。話時話，小花冧人的確有一手，同佢拍檔過嘅導演或者對手多多少少都俾佢電過。佢冧人嘅手法的確與別不同，雖然佢冇乜墨水，但畫畫都叫做有啲天份，小花就利用呢樣長處。好似同佢合作拍《至高無上》嘅導演「高登」就收過佢畫嘅畫，搞到高登鬼咁開心，仲加重咗小花唔少戲份，之後仲搵佢拍多咗套戲㖭。不過小花拍親嘅戲都唔掂，令佢成為票房毒藥不特止，最令佢不忿嘅係死敵「港產AV」都有兩、三部戲叫做彈出，所以佢一直都好想埋導演「諗你」堆，可惜人哋唔受佢個套。
撰文：關仁