去年捲入陳志雲涉嫌貪污案被捕的無綫前監製錢國偉，現身在非洲以兼職身份為無綫製作節目，無綫高層樂易玲透露錢國偉聽到陳志雲無罪釋放後立即喜極而泣。記者昨日就事件致電錢國偉，他說：「未至於喊，不過開心到跳起，好戥佢開心！」他表示已傳短訊恭賀陳志雲，之前又為他求神保佑，現在陳志雲無罪釋放，他說一定要去還神，稍後更一定會相約食飯慶祝。
同樣捲入案件而被捕的無綫前藝員寧進已離開無綫，現於中原地產任職地產經紀，他表示跟陳志雲一直有聯絡，亦已發短訊恭賀他。他透露最近樓市因政府出招而比較淡靜，故此轉職兩個月只找到租客「開齋」，在賣樓方面還未開過單。
阿雪恨再捧菜
此外，曾有份參與無綫節目《志雲飯局》為志雲起菜的孫慧雪昨日於將軍澳電視廣播城開工，對於陳志雲被判無罪，阿雪說：「真係恭喜佢，最好TVB人都冇事喇，唔好咁多唔好嘅嘢再發生。」問到可會致電志雲慰問，她說：「大家都冇聯絡，而且我都冇佢電話，之前仲有人問我係咪志雲愛將，都係多謝傳媒咁報道，但係陳生對人向來都好好。」對於會否希望公司重開《志雲飯局》，她說：「如果公司真係安排當然OK喇，咁工作越多越好。」