【旺友】我份人唔潮唔吹，不過有時對啲舊嘢都有啲興趣；朋友唔多於是就四圍呃水吹，咁啱又畀我遇到幾個幾吹得，解解悶之餘識吓朋友仔擴闊吓生活圈子方為我輩之道，美事一樁！
識朋友唔同揀老婆對親家，係仔係女係老係嫩話之你，只要大家有相同興趣，隨時一拍即合；新相識有個大過我啲啲有個細過我多多，大過我嘅教我唔少嘢，細過我嘅又咩都傾得，以後2哥同Wing姐，唔該多多關照細佬，得閒出嚟食個飯，你哋包底我實蒲頭。講笑啫！
法國佬鍾意玩浪漫，不過我話佢哋家波其實係悶棍，雖則有人話我禀神冇句真，不過法蘭西呢個「細」，冇吹水，中咗食飯我包底，都堅冇吹水。
文：守丹
星期五37
阿爾巴尼亞vs法國
心水：阿爾巴尼亞細
心得：只記得法國歐國外場場「細」