「當時我只係將佢（事主）推到後樓梯然後閂埋防煙門。我一片好心講：『雖然過咗七月十四，不過成個七月都係鬼節，根據我阿爺嘅專業判斷，夜麻麻走入個核心撞鬼區係好濕滯嘅，一個唔覺意辣㷫咗D靈體，唔單止上你身，仲害埋你全家。』一個後生女仔，見得世面少人鬼不分咁，容乜易瀨嘢？我先至推佢到安全地方，等佢唔好畀鬼責。
點知佢好眉好貌，居然用粗口鬧我。我話：
『你邊位呀？×我？你搵乜嘢×我呀？我有棍你有冇呀？我禿鷹個朵咁響你聽過未呀？』
咁講只不過兇吓佢唧，冇話唔畀佢由後樓梯走喎，唔好老屈我『禁錮』喎。
但係佢好激動又喊又盛。當時情況幾混亂，裏頭又黑，忽然間有個黑影閃嚟我身邊，嘩，鬼節喎梗係驚啦，對方又托住兩嚿黑色物體，本能反應伸手去擋，點知卡住咗。我嗌晒救命：『你畀我拎返隻手出嚟先！』──事後至知係佢對波，成38F。
好話唔好聽，我有棍啫係基㗎，邊有興趣非禮佢。阿Sir你地信唔信都好，我自己就信到十足嘞。」