09年港姐冠軍劉倩婷自參選以來緋聞多多，一度傳出男女通殺，去年被拍得與老外夜蒲。剛過去的周日，劉倩婷被發現與42歲的已婚玄學家李丞責同車，因而傳出緋聞，昨日兩人同聲否認，並表示只屬客戶與同事關係。
現年42歲已婚的玄學家李丞責被發現在周日（上月28日）與09年港姐冠軍劉倩婷同車，兩人在車內有傾有講，當車抵達上環帝后華庭後，劉母也會合上車。
「佢同我媽咪識」
對於記者追訪，兩人同樣顯得愕然，男方不停耍手，女方則只懂撥頭髮儍笑。其後該車經西隧直去大埔康樂園會所後突然停下，李丞責最後更突然下車。對於兩人被指約會，昨日雙方接受電話訪問時均同聲否認。
劉倩婷直言兩人自今年5月拍攝無綫節目《香港玄案》後才真正認識，更否認兩人拍拖，問到可覺李丞責有追求之意？劉倩婷說：「朋友唔講呢啲嘢，嗰日因為我同媽咪去睇樓，咁師傅睇風水好出色，所以搵佢幫手睇，佢同我媽咪之前都識。」她更強調兩人沒有感情關係，她說：「冇任何感情關係，大家都係朋友。」
李丞責同樣否認兩人的緋聞，更表示當日主要為劉母睇風水，提到當日同車，他說：「因為嗰日係星期日，咁我公司冇車冇司機，佢哋去睇樓，總之同客戶做嘅嘢唔方便講太多。」問到與劉倩婷的關係時，他說：「我已經講咗好多次係同事、客人同朋友。」
「朋友即係朋友」
問兩人有否發展空間，李丞責說：「你講到唔知去咗邊，冇諗過呢樣嘢，朋友即係朋友。」他強調與劉母認識多年，他說：「佢喺飲食界有相當嘅資歷，大家向來都有合作開。」
採訪：王崇穎
