黃宗澤在無綫熱播劇《潛行狙擊》中，其中一個大亮點，莫過於他與飾演他女朋友的徐子珊多場纏綿戲。多次強調子珊是「男仔頭」的黃宗澤，似在向女友胡杏兒派定心丸。
「唔會扯頭髮」
早前，黃宗澤接受訪問，自言拍此劇時很投入，但沒有因此跟子珊咀出感情，亦能抽身，他說：「現實中佢真係好男仔頭，所以導演一嗌cut，我哋就會抽離到。」他更稱拍劇時不用女友監場，至於現實中，會否同樣「激烈」，他笑謂：「冇，唔會好似劇入面一樣扯頭髮。」
有指這劇黃宗澤的跛Co比謝天華的Laughing哥更突出，黃宗澤自言不覺，而且沒有想過憑此劇奪視帝。黃宗澤說：「爭乜鬼，最重要係觀眾鍾意邊個角色，我冇呢個心話一定要攞獎，隨緣啦﹗如果攞咗唔得會俾人插㗎，有時真係冇得夾硬嚟。」稍後，無綫會再開拍電影，他表示未知有沒有份參與。
採訪、攝影：王連連