【霉友】呢輪搭地鐵時，每每見到一個廣告都會好欷歔，就係《蝦仔爹哋》舞台劇嘅廣告。雖然，喺80年代，《歡樂今宵》帶畀過我唔少歡樂，其中《蝦仔爹哋》嘅環節，仲係我好期待嘅㖭；不過，竟然係2011年《蝦仔爹哋》仲可以搬上舞台，一眾製作人員都未免食老本食得過份，亦顯示出近幾廿年嚟，香港嘅娛樂圈及娛樂節目，係幾咁冇進步過。
英格蘭國家隊係呢幾廿年，亦都係喺國際舞台到一事無成，不過，由於今次隊波以兩支狀態甚好嘅英超球隊曼聯與曼城球員為主，特別係曼聯嘅小將，真係踢得識飛，而佢哋星期六嘅對手係出名「hea踢」嘅東歐球隊保加利亞，就算英格蘭要作客，呢個單W亦相信可以手到拿來。
文：吾中
星期五26
保加利亞vs英格蘭
心水：英格蘭勝
心得：曼聯小將踢到識飛，冇得唔捧