以寸嘴和不倒胸出位的模何佩瑜（Jeana），日前被拍到夜蒲時跟金毛索女狂咀，舉止令人側目。前晚Jeana和余曉彤（Hidy）出席寫真DVD版記者會，她突然爆響口說男人信唔過，更視金毛女為摰愛，並說：「我好愛對方。」
何佩瑜和余曉彤前晚在旺角某火鍋店宣傳寫真DVD版，兼且跟fans聚會，她們透露DVD內有很多未曝光的片段，提到當日到塞班島拍攝，Hidy大爆Jeana第一次拿起海參竟瘋狂大叫。Jeana則表示有些片段大玩SMfeel，例如被綁在柱上及在床上典來典去。
Hidy跑步曾被揸胸
Hidy又自爆拍攝被當地土著非禮：「對方只係着住草裙，一走嚟就強吻我，搞到我心跳得好快。」之前有否試過被非禮？Hidy透露約18歲時單拖在晚上戴着耳筒聽歌跑步，突然有個cap帽男從後攬着她兼揸她的胸一下，之後逃之夭夭，她說：「當時都叫大街大巷，但竟然冇人幫我，好失望，如果家畀我再見番個男人，我一定打佢一身。」
在旁的Jeana聞言亦聲稱早年夜蒲時曾被醉漢借醉抽水，接着她突衝口而出說：「男仔真係信唔過，行內行外都係，女仔真係要學功夫防狼，所以我真係唔排除同女仔發展嘅可能。」突然轉軚玩斷背，是否和男友分手受情傷所致？Jeana表示：「咁又唔係，不過將來嘅嘢冇人知。」
提到之前Jeana夜蒲被目睹跟金毛索女咀嘴，狀甚肉緊，她不諱言：「我好愛對方，但唔知同佢係乜嘢關係，佢（指金毛女）係我一個摰愛，因為佢嚟緊唔喺香港，當時情到濃時真係忍唔住。」
港男猴擒欠風度
問到金毛女是否知道Jeana愛她？Jeana聲言：「佢知㗎，佢都好愛我，家大家係朋友，但又未到曖昧關係，家都冇女仔追自己，可能啲人唔敢。」Jeana一再聲稱不排除和同性發展，她笑言：「啲男仔唔好再冇風度再咁猴擒，唔係再冇女仔追，因為個個女仔都變晒同性戀。」
採訪：譚倩宜
攝影：黃文偉