【本報訊】宅男教父、Sony家庭電玩遊戲機PlayStation總舵手項明生，打破日本集團由日本人當董事局成員的傳統，成為索尼首位華人董事。昨日履新的項明生表示，他中學時從內地移民香港，由初踏足羅湖口袋只有兩元，到現在成為董事，他直言只有香港這個民主自由地方才有此機會，只要肯付出努力，就會有成功一天。
記者：蔡朗清
今年42歲的項明生，86年以單程證孑然一身來港尋親，展開其不斷向上爬的經歷，「我記得當日係86年12月4日，嗰陣16歲，經深圳落到嚟羅湖，口袋只有兩蚊銀，諗住打電話畀阿媽，用兩蚊銀入落公眾電話，點知跌番落嚟，又唔識講廣東話，由中午等到夜晚，飢寒交迫，最後有個好心香港人幫手，聯絡到阿媽嚟接我」。
來港翌日派報紙賺13元
SonyComputerEntertainmentHKLtd（SCEH）首位華人董事項明生說，日前知悉升任董事，腦海便想起26年前抵港的那段故事，並馬上致電母親報喜，「我想同阿媽講，我終於捱出頭，有光宗耀祖嘅感覺」。
他說，來港翌日馬上派報紙，換來13元餬口，「嗰陣冇想過乜嘢叫辛苦，只知唔做冇飯食」。他半工讀考入港大修讀心理學及日文。畢業後任職富士賣菲林，「做咗5年，升到經理，人工有兩萬幾，98年見SCEH登報請散仔，即刻寄信申請」。
項明生解釋，中學時唯一娛樂是花5毫子打街機，對打機有情意結，「做到份工可以免費打機」，面試負責人為日人，只懂日語及普通話，雙方一拍即合。他從最低級的「officer」做起，推廣產品「一腳踢」，一步步向上爬，公司同事大潑冷水說，日本人公司有一塊看不到的「玻璃天花板」，只有日本人才能超越升上高職，「我唔理呢個講法，其間唔少同期同事離開」。
項明生從第一代玩VCD遊戲碟的PS，做到藍光PS3，從經理升至今日進入董事局，「SCEH有六個董事，除咗我，其他都係日本人」。
他說，自己遊歷70多個國家地區，香港是一處充滿機會的民主自由地方，只要肯努力肯拼搏，便有成功一天。可惜現今政府設立太多安全網，包括最低工資、派錢等等，磨蝕港人拼搏精神，「我嗰陣邊有最低工資，邊有派錢，只係知唔做冇飯食。希望新一代做事畀多啲耐性，唔好諗住一步可登天」。項明生去年成立了企業策劃部幫助弱勢社群，上月隨非牟利團體小母牛，到貴州山區扶貧，「由山腳抬豬到山區，希望貧民豬養豬，好似我咁努力養出未來」。