上星期喺本欄提到睇完《來佬奇緣》，朋友甲見字後問我點睇套戲，我答佢除咗用對眼睇，亦要用心去睇。不妨用心領會TomHanks嘅意念，例如借大口姐姐個頹廢老公，寸只識上網嘅人；又帶出學歷係重要，但一樣可能由高層變送pizza。睇完一齣中坑發奮嘅電影，就諗到自己下個禮拜又要返學。喺傳媒工作，一早知回校進修對前途冇幫助，動力源自當年胡亂完成學位，家陣想做番個真正學生啫。不過年紀大，機器（指個腦）壞，又怕多功課又要湊仔女，吃力㗎。
英格蘭作客保加利亞就唔會吃力，睇定嚟食，客W穩。
文：藍鑽石
星期五26
保加利亞vs英格蘭
心水：英格蘭勝
心得：保加利亞差一皮