郭富城和劉若英在電影《全球熱戀》中演太空人，並在飄浮狀態下談戀愛，更有場太空接吻戲，但因為要吊威吔拍攝，令城城身體麻痹兼頭暈。
咀劉若英呻慘
城城日前在上環受訪時說：「兩個人喺無重狀態下升起，雙手捉住就遮鏡頭，唔捉住又撞頭，拍足6個鐘，一啲都唔享受。」劉若英將婚前最後一次咀戲獻給城城。談到結婚生仔，城城坦言：「我會結婚生仔，成家立室。」另外，城城昨日和桂綸鎂等到廣州宣傳《全》片，城城再被追問何時結婚，他搞笑說：「結咗啦，講笑啫。預計50歲前會結婚，會生兩個BB。」問城城拍親熱戲前會否向女友熊黛林備案？城城說：「我向來拍戲最緊要投入，其他嘢唔會理。」
採訪：張俊銘、曾小嘉