謝天華和陳法拉主演的劇集《潛行狙擊》已進入尾聲，收視越來越好。前晚Laughing哥和MadamJo齊到銅鑼灣出席活動，兩人因劇集帶挈人氣急升，外快接不停，難怪他們都希望繼續以情侶檔孖住搵真銀。
無綫劇集《潛行狙擊》播出以來收視理想，上周平均有31點（198萬人）收視，近日劇情進入尾聲，相信收視會更進一步。主角Laughing哥謝天華和MadamJo陳法拉受劇集帶挈人氣急升，前晚兩人齊到銅鑼灣出席雜誌頒獎禮，同場還有詹瑞文和藍奕邦等。天華和法拉出現時有fans大聲歡呼，搶盡風頭，天華坦言近日多了很多外快，收入增加不少，他說不少人都向他追問劇情，但為免結局曝光，天華只好扮失憶。
男友冇投訴
日前《潛》劇播出法拉在沙灘為天華做人工呼吸一幕，法拉透露將有兩人連場的感情戲。不過，一直有傳法拉為免男友薛世恒呷醋，絕少跟男演員拍親熱戲，問她今次男友會否介意？法拉笑說：「都冇親熱戲，只係人工呼吸，只要唔係感情戲錫都OK。」法拉又說沒收到男友投訴。
法拉亦表示近日多了很多搵銀機會：「勁多人搵，特別係廣東省附近。」不過，近日內地限制港台藝人到內地亮相綜藝節目，問法拉會否擔心？她指自己主力接商場騷，故影響不大，再問她會否趁機加價？她說：「由經理人傾，但我想長做長有。」
採訪：卓寶花
攝影：黃文偉
