【本報訊】通脹高企，今年中秋節燈籠售價較去年上升15%，有玩具店東主指現時逾半數燈籠款式已採用LED燈，最新卡通電影《反斗車王2》角色造型的燈籠熱賣，相反傳統手做大型金魚、楊桃蠟燭燈籠已買少見少。
廉價傳統燈籠式微
本港出售的燈籠大部份由內地入口，內地人工及運輸成本飆升，加上人民幣強勁，日昇玩具負責人蔡先生表示，今年來貨價普遍上升一至兩成，最受歡迎的《反斗車王2》系列吹氣燈籠賣75至80元，「家啲燈籠一半以上都用LED燈，冇咁熱，安全啲，細路仔當係一件玩具多過燈籠」。
蔡先生指最廉價的傳統「手風琴式」紙燈籠，即使以15元六個出售亦乏人問津，「呢啲要點蠟燭，下年製造商話唔再做，可能係利潤少喇」。
上環售賣傳統手做燈籠的公明行福生祥香莊東主黃先生慨嘆，以往最熱賣的金魚王大燈籠，去年只售300元，今年來貨價升15%，需標價350元。
大埔超級城明日舉行《中秋泉州花燈展》，展出逾20款由國務院列入首批國家非物質文化遺產名錄的泉州特色花燈，展覽為時兩周。