亞視綜藝資訊節目《香港有飯開》累計首周收視人數達133萬人，何守信（圖）、劉錫賢、姜皓文等一班台前幕後人員同高層，噚日喺大埔亞視總廠開香檳慶祝。何守信話只會每星期為節目做3集，佢話因為自己年紀唔細，而且每日要為港台做節目。有傳亞視要求藝員幫公司搵廣告客戶，亞視就話歡迎任何人員招攬廣告客戶，唔係強迫性。