黃浩然、陳法拉噚日喺西九出席手機發佈會，除酬金外仲獲贈手機，啱啱上星期四係浩然生辰，佢話正好當收生日禮物，不過佢最開心都係收到老婆代囝囝送嘅生日卡。至於法拉就話自己成日唔見電話，佢為防私隱外洩，特別小心防範，法拉話：「我每次用手機影完相，返到屋企會儲存入電腦度，即刪除手機張相，驚唔見手機俾人睇到。」