燈光裏飛馳，沒有失意的孩子。青山公路單車友一身熱血，白天在網上吹起集結號，晚上聯群結隊從18區蜂擁而來；一次生、兩次熟，有些人由相識至深交不過半年，全因「兩個轆」打破年齡隔閡，建立跨世代團隊精神。
西九單車隊隊員穿起訂製的藍色戰衣，在深井的便利店稍休，這晚6名隊員同行，年齡17至38歲。當文員的阿飛說，初時只為強身健體，「食得煙多，要做運動練吓心肺。約人出嚟打波好難，踩車反而仲易」。隊友分散各區，阿飛住在佐敦，收工後回家換衫，搭地鐵去南昌，沿貨櫃碼頭踩去荃灣集合。他直言，黃金寶、郭灝霆踩出世界冠軍，激勵他們奮進，「踩到比賽就最好啦」。車隊組成不過半年，已有約70名隊員，每月「例會」都有幾十人出車。
21歲的Max明知青山險，偏向青山行，皆因連人帶車看着燈光倒流，煩惱可暫放一旁，且與不同年齡的車友交流，「學到嘅唔單只係點樣踩得更快」。《蘋果》記者