曾被揶揄為「豬扒港姐」的陳庭欣，近日先後與無綫小生黎諾懿和港男翟威廉傳緋聞，黎諾懿大前晚本答應出席庭欣的生日P，但聞風有狗仔隊即潛水，反而翟威廉大方撐場，還送上清酒做禮物，壽星女笑言禮物盡顯二人兄弟情。
剛卸任的港姐冠軍陳庭欣前日24歲牛一，大前晚她邀友人在蘭桂坊開P，緋聞男友黎諾懿知道有狗仔隊而甩底，另一緋聞男友翟威廉則與哥哥帶來清酒為庭欣賀壽。
再約黎諾懿食飯
陳庭欣大前晚11時多與莊思明到達派對場地，同行還有莊思明緋聞男友陳司翰，約15分鐘後，翟威廉和其他港男等到場，翟威廉說與哥哥夾份送了清飲給庭欣。據知庭欣在場中感動得一度流淚，眾人凌晨再轉場夜蒲。
記者前日致電陳庭欣，她直認有請黎諾懿：「佢有工作嚟唔到，但有傳短訊畀我。」問二人可會擇日補祝？庭欣說：「有心就請我食生日飯。」提到翟威廉人到禮到，她說：「好少會送酒畀女仔，可能佢當我兄弟啦。」問庭欣開完P可有猛男送回家？她說：「我自己送自己返屋企，冇人理我。」
談到生日願望，庭欣說：「最希望身體健康，有健康就乜都會有。」問庭欣可會在黎諾懿和翟威廉當中選一個做男友？她說：「佢哋兩個都咁好條件，唔係話邊個啱我，都要我啱人哋，我揀男友唯一要求係唔可以細過我。」
暗示思明戀司翰
此外，庭欣為維護好姊妹莊思明和陳司翰的緋聞，她說：「陳司翰係我邀請。」問庭欣攬上身不怕又惹緋聞嗎？她即露了「司明戀」的口風說：「呢個唔輪到我。」
採訪、攝影：羅德光、黃文成、比華利