張敬軒噚日喺商台受訪，宣傳佢11月同香港管弦樂團喺StarHall搞嘅演唱會，軒仔為咗今次個唱主題曲，之前去咗廣州搵60幾人嚟伴奏，佢話三場演唱會嘅內部認購已爆晒，但因場地問題冇得再加場。講到媽媽嘅身體狀況，軒仔話媽咪出咗院，早前佢仲擺咗六圍同媽咪冲喜，佢仲話媽咪做完手術，成個人都唔同咗，家冇咁性急。