日本天后濱崎步曾多次來港，本周六佢又會現身香港，出席佢嘅3D演唱會電影《濱崎步3D演唱會第2彈》首映禮。據悉步姐當日預定喺中午抵港，下晝3點半就會喺機場二號客運大樓嘅巨幕影館出席首映，歌迷要同步姐近距離接觸兼睇電影，就要畀380蚊。首映禮後，步姐當晚會出席攝影師老友LeslieKee嘅攝影展，第二日就返日本。