亞視（ATV）為力谷收視，近日請來「中國第一肥童」盧志豪擔任《香港有飯開》嘉賓，直擊豪仔在順德暢泳減肥實況，又請他到亞視大埔錄影廠進行實驗測試。貪食又貪玩的豪仔當日幾乎反轉亞視，連主持何守信也要充當保母餵肥童食紅米飯。
亞視近年收視長期積弱，直至月中推出由何守信等主持的綜藝資訊節目《香港有飯開》終見起色，平均收視有5點（約32萬觀眾），比之前節目上升兩點，而最高則有6點（約38萬觀眾捧場）。為全力催谷收視，《有飯開》早前特請來「中國第一肥童」盧志豪擔任嘉賓，透過多項實驗測試和專家分析，了解小朋友致肥因由，並安排在今晚開始一連三晚播出。
3個月減3.3磅
現年5歲的豪仔，今年5月因為體重高達140磅而專程來港尋醫減肥，之後豪仔回鄉後被父母強制節食及做運動，結果總算有點成績，現時體重為136.7磅，較之前輕了3.3磅。日前《有飯開》外景隊到順德直擊豪仔在河邊游水減肥實況，胖嘟嘟的他時浮時游十分寫意，其間有同鄉划艇仔經過，跟豪仔打招呼說：「你又嚟游水呀？」據豪仔母親透露，由於天熱做運動對豪仔而言非常辛苦，所以聽從醫生建議讓他游水減肥，每日要囝囝游水游足三粒鐘。
何守信餵食飯
不過，無論豪仔父母如何要囝囝節食，豪仔一踩入亞視大埔錄影廠錄影時又幾乎失控，不停嚷着要食，又朱古力又餅乾，連身為金牌司儀的主持何守信，當日也要充當保母餵豪仔食紅米飯。
亞視綜藝及資訊助理副總裁鄧婉媚日前在電話中說：「佢成日掛住食，好容易肚餓，佢成日嘟起個嘴係因為想食嘢，但爸爸唔畀。其實豪仔初初嚟到好怕醜，但玩玩吓就同戚黛黛成班姐姐仔熟絡起上嚟，又扮超人又扮怪獸嚇何B師傅，玩得好癲，搞到成個錄影廠好開心。」
採訪：戴彩煥
