噚日機場認真星閃閃，先有由台灣嚟香港出席活動嘅鄭元暢，跟住仲有啱啱喺北京華表獎攞完優秀境外華裔女演員獎嘅吳君如，雖然佢老公陳可辛因為喪母冇陪佢去北京，不過都有同囡囡喺電視機前睇君如攞獎，君如話：「我個女捱住眼瞓睇我上台攞獎，不過佢就話聽唔明我啲國語喎！」君如話頒獎禮完咗仲同張婉婷、李治廷食消夜當慶祝。