發展局09年4月計劃建造環新界單車徑，由荃灣經屯門、元朗、沙田直通西貢市。政府原先計劃單車徑各部份於2013至14年陸續完成，惟根據土木工程拓展署資料，目前只有粉嶺至大埔段正在施工，上水至荃灣各路段原定去年起動工，惟現在仍處設計或環評階段。
四部門互卸膊
屯門至荃灣段更因居民反對一拖再拖，被迫一開二先建荃灣西至汀九段，並延遲至2015年才動工，預計2019年落成；汀九至屯門段上馬無期。
多年來爭取建設超級單車徑的工聯會副會長梁富華，批評政府不重視單車政策。他憶述02年提出計劃時，「運輸署、路政署、康文署、民政局，統統話唔關事」，政府一向頭痛醫頭、腳痛醫腳，「運動員成績好，帶動市民參與單車運動，偏偏冇場地冇路畀佢哋玩，焗住同小巴的士一齊行，好易出事」。他強調，單車徑必須寬闊，並劃分快、慢線供不同車手使用。
單車車手阿飛笑言「公路單車梗係行公路」，不諱言現時單車徑設計差易生意外。隊友志豪說：「大圍、大埔啲單車徑凹凸不平，又窄，有人踩車有人跑步，有人突然煞車，一樣易撞，馬路仲安全過單車徑。」他們直言單車徑除非有一條行車線那麼闊，否則仍會繼續在公路飛馳。
有前港隊成員認為，建設單車徑只能吸引更多人踏單車，更重要是教育道路使用者，「好多人根本唔放單車在眼內，試過畀職業司機鬧『我有交牌費，你有冇吖』」。《蘋果》記者