武打演員趙文卓嘅細仔趙子龍前排出咗世，趙文卓仲親手幫囝囝剪臍帶㖭。前日趙文卓就帶埋太太張丹露、大女同細仔一家四口現身北京機場，幾十個粉絲已經一早喺機場等待，佢哋仲準備咗熊bearbear公仔等玩具送畀BB。趙文卓話囝囝之所以叫趙子龍，係要向佢偶像趙子龍致敬。趙文卓又話往後大部份時間都喺北京做嘢。